Gjeneralmajor Bajram Begaj, ka marrë besimin e shumicës së deputetëve në Kuvend për të qenë presidenti i ri i republikës së Shqipërisë. Pas votimit me 78 vota pro të kreut të ri të Shqipërisë, kryeministri i vendit Edi Rama në një deklaratë për mediat u shpreh se tashmë u arrit objektivi i PS. Sipas Ramës, Partia Socialiste i dha Shqipërisë një President normal dhe figurë të pakontestueshme në aspektin e integritetit
S’ka asnjë rëndësi se cili ka qenë përfundimi aritmetik i procesit por që ky proces u kurorëzua me provë të prekshme që PS është këtu për Shqipërinë dhe jo për veten, për të bërë më të mirën që zgjedhjet dhe vendimet, aktiviteti ynë si shumicë, të shkojnë në interes të shqiptarëve.", tha Rama.
