Një aksident ka ndodhur orët e para të ditës së sotme në autostradën nga Durrësi në drejtim të Tiranës pranë “QTU”. Policia bën me dije se një mjet ka humbur kontrollin dhe ka dalë në krahun tjetër të karrexhatës dhe si pasojë janë dëmtuar drejtuesi i mjetit dhe pasagjeri.
“Në datën 12.05.2022 në orët e para të mëngjesit, në autostradën nga Durrësi në drejtim të Tiranës pranë “QTU”, mjeti me targa AA 613 XA ka humbur kontrollin dhe ka dalë në krahun tjetër të karrexhatës ku si pasojë janë dëmtuar drejtuesi mjetit dhe pasagjeri. Të dëmtuarit janë nisur drejt spitalit të traumës dhe ndodhen jashtë rrezikut për jetën.”, njofton policia.
Policia Rrugore e Tiranës apelon për të gjithë drejtuesit e mjeteve që të respektojnë rregullat e qarkullimit rrugor.
