Gjykata e Shkodrës ka lënë në burg 27-vjeçarin David Gjonaj që përplasi për vdekje çiftin polak që udhëtonte me motor nga Shkodra drejt Tiranës. 27-vjeçari, drejtuesi i një mjeti ‘Golf’, ka aksidentuar çiftin teksa përpiqej të hynte në një pikë karburanti, duke shkelur rregullat e qarkullimit rrugor.
Në seancën që u zhvillua me dyer të mbyllura, Gjonaj tha se ngjarja kishte ndodhur prej pakujdesisë. Ngjarja e rëndë ndodhi në 6 maj dhe viktimë mbetën turistët polakë: Waldemar Makowski dhe Marta Makowska.
