Personi që shihni në foto është Ajas Sulejmani, 39-vjeçari i cili mesditën e sotme përplasi me makinë një fëmijë tre muajsh dhe prindërit e tij, të cilët po kalonin në vijat e bardha.
Sulejmani, i cili po drejtonte mjetin luksoz" G Class” me shpejtësi të madhe, ka kaluar me semafor të kuq dhe ka përplasur fëmijën dhe çiftin.
Për fat të mirë, gjendja e foshnjës është e mirë, ndërsa dy të rriturit janë dërguar në spital, në gjendje stabël për jetën. Po ashtu, bëhet e ditur se pas ngjarjes, Ajas Sulejmani është arratisur, duke shfrytëzuar blloqet e pallateve në zonë. Aktualisht, policia është vendosur në ndjekje të tij, ndërkohë që kanë arrestuar personin që e shoqëronte në makinë.
