Rusia sulmoi Kievin me dy raketa këtë të enjte kur në kryeqytetin ukrainas ndodhej Sekretari i Përgjithshëm i OKB-së, António Guterres. Analistët e konsideruan këtë një tallje të Moskës me OKB-në.
Dy shpërthime të forta tronditën Kievin pasi Guterres vizitoi vendin e masakrave dhe varrezave masive në periferi të qytetit dhe u takua me presidentin Volodymyr Zelenskiy.
Këshilltari Mykhailo Podolyak shkroi në Twitter: "Kartolinë nga Moska?" Ndërsa ministri i Mbrojtjes, Oleksii Reznikov, i quajti aktet “një sulm për sigurinë e Sekretarit të Përgjithshëm dhe për sigurinë botërore!”
Një varg vizitash nga liderë të aleatëve perëndimorë dhe zyrtarë të lartë amerikanë kanë qenë në javët e fundit në Kiev. Aty ishin kryeministri britanik Boris Johnson dhe Sekretarët e Shtetit dhe Mbrojtjes të SHBA, Antony Blinken dhe Lloyd Austin, por nuk pati sulme. ©LAPSI.al
https://twitter.com/ByChanchi/status/1519741080060760066?ref_src=twsrc%5Etfw%7Ctwcamp%5Etweetembed%7Ctwterm%5E1519741080060760066%7Ctwgr%5E%7Ctwcon%5Es1_c10&ref_url=https%3A%2F%2Fwww.theguardian.com%2Fworld%2Flive%2F2022%2Fapr%2F28%2Frussia-ukraine-war-putin-warns-of-lightning-fast-retaliation-if-west-intervenes-war-has-cost-ukraine-600bn-zelenskiy-says-live
