Një çift shqiptar është gjetur i vdekur në ndërtesën ku jetonte në Epinal të Francës, mëngjesin e së martës. Disa media franceze lokale duke cituar burime nga policia shkruajnë se burri dhe gruaja nga Kosova janë gjetur të vrarë me thikë. Trupat e pajetë janë gjetur nga fëmijët në banjon e apartamentit. Janë ende të paqarta shkaqet dhe rrethanat e vdekjes së çiftit. Prokurori francez Frédéric Nahon konfirmoi se hetimet vijojnë.
Sipas France Bleu Sud Lorraine, 4 nga 7 fëmijët kanë qenë atje kur policia kishte mbërritur dhe gjetur trupat e pajetë.
