Moti i keq që ka përfshirë vendin ditën e sotme ka shkaktuar probleme në Elbasan. Aktualisht i bllokuar në të dyja anët është aksi rrugor Elbasan-Librazhd.
Njoftohet se ky aks është bllokuar nga inertet dhe uji që rrjedh nga mali. Ndërkohë, autoritetet u bëjnë thirrje shoferëve që të tregojnë kujdes gjatë drejtimit të mjeteve, të reduktojnë shpejtësinë dhe të respektojnë rregullat e qarkullimit rrugor
Në aksin Elbasan-Librazhd po punohet për zhbllokimin e rrugës ndërsa policia Rrugore njofton se ka shtuar prezencën e saj në të gjitha akset rrugore, me qëllim orientimin e trafikut dhe parandalimin e ngjarjeve rrugore.
