Një mjet tip rulot me targa të huaja ka dalë nga rruga në afërsi të fshatit Poçem në Mallakastër. Për këtë shkak një cift i huaj përfunduan në spitalin e Fierit.
Të plagosurit janë Dominic Macfarlane 34 vjeç dhe Gabriela Tominac 26 vjeçe. Çifti ka pritur që të mbërrijnë në vendin e ngjarjes uniformat blu duke refuzuar ndihmën mjekësore në spitalin e Fierit, por më pas janë shoqëruar. Paraprakisht dyshohet se shkak i daljes nga rruga ka qene lagështia prej reshjeve të orëve të fundit, era e fortë por edhe mungesa e ndriçimit.
Menjëherë në e vendin e ngjarjes ka mbërritur policia dhe ambulanca ndërsa burrë e grua janë shoqëruar në spital, ku paraqiten në gjendje të mire shëndetësore, jashtë rrezikut për jetën. Grupi hetimor po kryhen veprimet për të zbuluar edhe shkakun e daljes nga rruga të rulotës. ©LAPSI.al
