Fotot më poshtë më vijnë nga selia e Partisë Demokratike, ku përfaqësues të Komisionit të Rithemelimit u futën para pak minutash në seli, pasi Gjykata e Tiranës i njohu si strukturën drejtuese legjitime në krye të PD-së.
LSA ka fiksuar disa momente nga ajo çka po ndodh në shtëpinë e demokratëve.
Mes të tjerësh, aty shihet se Edmond Spaho, Beldin Këllici, Flamur Noka, Elda Hoti, Albana Vokshi, Ivi Kaso, futen në ambientet e PD-së, ndërsa janë ulur në një tryezë për diskutime me kryetarin e komanduar, Enkelejd Alibeaj dhe sekretarin e përgjithshëm, Gazement Bardhin.
Lëvizja vjen pas vendimit të Gjykatës së Tiranës, e cila njohu sot Kuvendin e 11 dhjetorit, çka nënkupton shkrirjen e strukturave të PD-së vendimin për shkarkimin e Lulzim Bashës, dhe marrjen në dorë të PD-së nga Komisioni i Rithemelimit. ©Lapsi.al
