A është dorëheqja e Lulzim Bashës "e parevokueshme"? Në deklaratën e tij kjo frazë nuk u dëgjua duke lënë të hapura diskutimet se ai të tentojë të rikthehet.
Këtë pyetje ia kanë ngritur Bashës edhe pjesëmarrës në mbledhjen e zhvilluar të hënën pasdite në selinë e PD-së.
Sipas asaj që zbuloi deputeti Ervin Salianji ka qenë Roland Bejko që e ka pyetur direkt Bashën në mbledhje ta sqarojë nëse largimi i tij është pa kthim, por ai nuk i ka dhënë një përgjigje të qartë.
Debate pas kësaj mbledhjeje ka shkaktuar edhe një deklaratë që Enkelejd Alibeaj lexoi në emër të Grupit Parlamentar ku kërkohej largimi i Berishës.
Në fakt aty merrnin pjesë vetëm 17 deputetë dhe disa prej tyre kanë shprehur rezerva për këtë çështje. ©LAPSI.al
