Pasditen e kësaj të shtune, qytetarët në Durrës kanë dalë për të protestuar kundër rritjes abuzive të çmimeve të naftës dhe produkteve të shportës. Me thirrjen ”Rruga është e jona”, protestuesit kanë dalë në rrugë dhe kanë mbajtur të bllokuar aksin rrugor Durrës-Ura e Dajlanit, te stacioni i trenit. Më pas ata janë zhvendosur drejt qendrës së qytetit.
Paraditen e sotme, qytetarët protestuan më shumë se 3 orë në Tiranë dhe paralajmëruan se do të rikthehen sërish nesër në orën 11:00 me të njëjtin itinerar. Protesta ka patur edhe në qytete të tjera si: Korça, apo edhe Lushnja në ditët e mëparshme.
