Avokati i ish-ministrit të Brendshëm Saimir Tahiri, Maksim Haxhiaj ka reaguar për herë të parë në një dalje për mediat, pasi klienti i tij u dënua me 3 vite e 4 muaj burg. Ai e cilësoi këtë vendim skandaloz dhe për të kënaqur, pa etiketuar se kë.
“Edhe pse për shkak të procedurës që la në fuqi vendimi për pafajësinë për kryerjen e veprës penale në pjesëmarrje në grup të strukturuar dënimi me 3 vite ishte e papritur jo ne aspektin që na çuditi po ishte non sens juridikisht që të hiqej pezullimi. Se di si do ta justifikojë gjykata. Ky vendim ishte për të kënaqur. Realizuan njollosjen e Tahirit. Sot Tahiri i kishte të gjitha mundësitë që edhe të mos vinte pati dhe njerëz që i thanë të mos vinte por ai tha do jem në dispozicion të drejtësisë. Do shkojë në drejtorinë e policisë. Rekursin presim vendimin e arsyetuar, jam i sigurt që vendimi do të vonohet", tha avokati Maks Haxhia.
