Mbyllet për sot seanca maratonë për shkarkimin e presidentit Ilir Meta. Trupa gjykuese në Gjykatën Kushtetuese ka vendosur shtyrjen e seancës për të enjten në orën 10:00, ku edhe do të vendoset për shkarkimin apo jo të kreut të shtetit. Seanca u shty sot me kërkesë të këshilltarit ligjor të presidentit, Bledar Dervishaj. Ky i fundit ka kërkuar më shumë kohë për t’u njohur me përgjigjet e Kuvendit të Shqipërisë. Më herët mbrojtësit ligjorë të Metës kërkuan përjashtimin e trupës gjykuese me argumentin se ata nuk kanë legjitimitetin e duhur.
