Një vrasje me armë zjarri ka ndodhur mesditën e sotme në fshatin Manati të Lezhës. Mësohet se autori është 17-vjeçari Florian Pervathi i cili ka qëlluar mbi bashkëfshatarin e tij Lek Lekgjonaj. Dyshohet se motivet që e kanë çuar të riun që të vriste Legjonaj-n ka qenë ato të hakmarrjes. Në vitin 2011 mësohet se babai i autorit Gjon Pervathi është vrarë nga vëllai i viktimës. Tragjedia u thellua pasi në të njëjtën ditë që babai u vra, 17-vjeçari humbi edhe nënën duke qenë se kjo e fundit u vetëhelmua me fotoksinë. Çifti la 4 fëmijë jetim.
Janë këto arsye që dyshohet se kanë shtyrë Florian Pervathi-n që rreth orës 12:00, në rrethana ende të paqarta, të qëllojë me armë zjarri drejt 65-vjeçarit Lekgjonaj. Shërbimet e Policisë kanë sekuestruar dhe armën zjarrit pistoletë me të cilën dyshohet se 17-vjeçari kreu krimin.
[video width="848" height="480" mp4="https://cdnimpuls.com/lapsi.al/wp-content/uploads/2022/01/WhatsApp-Video-2022-01-24-at-12.53.34-PM-2.mp4"][/video]
[video width="848" height="480" mp4="https://cdnimpuls.com/lapsi.al/wp-content/uploads/2022/01/WhatsApp-Video-2022-01-24-at-12.53.34-PM-1.mp4"][/video]
[video width="848" height="480" mp4="https://cdnimpuls.com/lapsi.al/wp-content/uploads/2022/01/WhatsApp-Video-2022-01-24-at-12.53.34-PM.mp4"][/video]
