Komiteti Teknik i Ekspertëve do të mblidhet ditën e sotme për të bërë një analizë të situatës epidemiologjike në vend deri më tani.
Ndërkohë, gazetarja Ajgena Korbi raporton se pritet që ditën e sotme organi kolegjial këshillues i ngritur nga Ministria e Shëndetësisë pritet që të rekomandojë bërjen e dozës së tretë për çdo qytetar mbi 18 vjeç.
Kusht për marrjen e dozës së tretë do të jetë që qytetarët e interesuar të kenë kaluar gjashtë muaj nga bërja e dozës së dytë. Me ndryshimin e fashës për moshat, njoftohet se kryeministri Edi Rama do të jetë i pranishëm në ambientet e stadiumit “Air Albania” për marrjen e dozës së tretë të vaksinës.
Kujtojmë se nga 1 nëntori, dozën e tretë në vendin tonë mund ta bënte çdo qytetar mbi 60 vjeç. Po ashtu, doza e tretë rekomandohej edhe për persona me imunitet të kompromentuar.
