Një punonjës i Gardës së Republikës është paraqitur ditën e sotme i plagosur me armë zjarri në spitalin e Durrësit.
Policia e Shtetit përmes një komunikate zyrtare bën me dije se gardisti është dëmtuar aksidentalisht në këmbë me armën e shërbimit.
“Në Spitalin Rajonal Durrës është paraqitur për ndihmë mjekësore shtetasi M. G., 29 vjeç, punonjës i Gardës së Republikës, i cili është dëmtuar aksidentalisht në këmbë me armën e shërbimit. Aktualisht ndodhet jashtë rrezikut për jetën.
Materialet kaluan në Prokurorinë e Rrethit Gjyqësor Durrës, për veprime të mëtejshme”, thuhet në njoftimin e policisë.
