Një zjarr ka rënë në kodrat e fshatit Vajkan në Fier pasditen e sotme. Raportohet se zjarri, i ndihmuar nga era, ka përfshirë një sipërfaqe toke me shkurre e ullishta.
Ndërsa ende nuk ka një shkak zyrtar të nisjes së këtij zjarri, ka dyshime se flakët kanë ardhur nga varrezat e fshatit ku mund të ketë pasur ndonjë përkujtimore dhe janë vendosur qirinj. Nga flakët është përfshirë edhe një banesë e pabanuar.
Për të fikur flakët ka mbërritur në vend dy zjarrfikëset e Fierit dhe gjithë efektivi. Po kështu ka shkuar zjarrfikësja e Patosit, Lushnjës, Albpetrol dhe efektivët përkatëse.
