Fundi i gushtit është i njohur për lëvizjet e gazetarëve nga një Tv në tjetrin. Në prag të një sezoni të ri televiziv kanë nisur të mësohen ndryshimet e para.
Me anë të një komenti të gjatë në rrjetet sociale, gazetarja Sonila Meço njoftoi se nuk do të jetë më pjesë e RTV Ora.
“Ndaj sot, me gjithë mirënjohjen për bashkëpunimin dhe mbështetjen e pronarit dhe drejtuesve për realizimin e Tempora-s në RTV Ora kam vendosur t’i jap fund prezencës sime në këtë logo televizive, ku kemi kaluar ditë të jashtëzakonshme e sfida të ethshme për të vijuar të bëj atë që kam bërë gjithmonë, gazetarí dhe media. Duke rezistuar në dëshirën për të bërë një punë të paqme e jo thjesht një punë” – shkruan Meço. ©LAPSI.al
