Është arrestuar në Genova i dyshuari si përgjegjës për vdekjen e një të riu shqiptar në Romë. Ai vdiq në spital pas plagosjes në një shesh të kryeqytetit italian. Edhe i arrestuari me dyshimin si përgjegjës për krimin është shqiptar, 19 vjeç, me leje qëndrimi të rregullt në Itali dhe pa precedentë.
Sipas zbardhjes së incidentit nga policia, ata u grindën për arsye të paqarta. Grindja u kthye në sherr me mbërritjen e katër shqiptarëve të tjerë dhe në sherr e sipër 26-vjeçari u godit me thikë në shpinë nga njëri prej katër të ardhurve.
Personi i dyshuar si përgjegjës për vrasjen e të riu, ndoshta duke ndier se po i ngushtohej rrethi, u dorëzua dje pasdite te karabinierët në Genova, që së bashku me policinë e Genovas e të Romës e vuri në arrest me akuzën e vrasjes.
Pas sherrit, të gjithë të rinjtë ishin fshehur. Policia i gjurmoi falë dëshmive dhe videove, duke gjetur katër nga pesë pjesëmarrësit. Dy janë denoncuar për sherr të rëndë. Me sa duket kjo bëri që edhe 19-vjeçari të dorëzohej vetë.
