Një kontroll me vendim gjykate po zhvillohet paraditen e sotme në disa zyra në Ministrinë e Brendshme. Burime i thanë Lapsi.al se bëhet fjalë për tenderin e uniformave të Policisë së Shtetit. SPAK ka firmosur disa urdhër-arreste për zyrtarë të prokurimeve që kanë abuzuar me këtë tender disa milionë euro. Mësohet se deri më tani janë arrestuar 8 zyrtarë të kësaj ministrie. Policia ka ushtruar kontrolle në banesat e shtetasve Edlira Naqellari, Kreshnik Bejkaj, Ani Omuri, Klevis Hasani, Anisa Bogdani, Flutura Çekrezi, Fatmir Demneri, Gëzim Mingaj dhe Mariglen Buzali. Mes të arrestuarve është edhe drejtoresha e blerjeve të përqëndruara, Edlira Naqellari.
