Seanca gjyqësore për ish-deputetin demokrat, Bardh Spahia, në Gjykatën e Apelit në Shkodër është ndërprerë.
Raportohet se shkak për ndërprerjen e seancës është bërë mungesa e ish-deputetit Spahia.
Gjykata ka vendosur të kontaktojë Komisariatin e Policisë në Tiranë për të pyetur nëse po shoqërohet apo jo Spahia, pasi avokatët mbrojtës kanë deklaruar se ish-deputeti ka informacion për seancën e sotme, por nuk është prezent.
Avokatët mbrojtës kanë prokurë nga familjarët e Bardh Spahisë, madje edhe vetë ish-deputeti ka deklaruar që të mbrohet nga avokatët e tij, Ivi Kaso e Ledi Nurja, edhe nëse mungon në seancë.
Bardha Spahia u la pak javë më parë në “arrest shtëpie”, pasi akuzohet për përplasjet mes mbështetësve të opozitës dhe policisë në KZAZ-në e Shkodrës. Gjatë përplasjeve, protestuesit i vunë flakën shkollës “Shejnaze Juka”, në të cilën ndodheshin materialet zgjedhore.
