Të dokumentohet çdo incident i mundshëm gjatë ditës së zgjedhjeve. Kjo ka qenë kërkesa e Edi Ramës në mbledhjen e sotme të kryesisë së PS-së.
Kryesia e Partisë Socialiste është mbledhur mëngjesin e sotëm dhe në fokus ka qenë fushata dhe zgjedhjet e 30 qershorit, ku Edi Rama ka dhënë porosi të veçanta për mbarëvajtjen e procesit zgjedhor, duke nisur nga ditët e mbetura të fushatës dhe ditën e zgjedhjeve.
“Të dokumentohet çdo incident i mundshëm gjatë ditës së zgjedhjeve. Të garantohet mbarëvajtja e procesit zgjedhor. Të jemi korrekt me procesin e administrimit zgjedhor. Të respektohet kodi zgjedhor. Kush prek votën dhe manipulon votën, do përgjigjet para ligjit. Më 30 qershor të kemi një proces me standarde”, ka deklaruar shefi i maxhorancës.
Në mbledhje u diskutua për sistemin e patronazhit për pjesëmarrjen në votime.
