Një sasi lënde plasëse ka shpërthyer mëngjesin e kësaj të enjteje në fshatin Rrilë në Lezhë, duke shkaktuar vetëm dëme materiale. Sipas informacionit të policisë, ngjarja ka ndodhur rreth orës 06:40, ku lënda plasëse ka shpërthyer në portën e jashtme të një banese në pronësi të shtetasit T. Ç., i cili jeton përkohësisht në Itali.
Policia e Lezhës sqarojnë se prej më shumë se 20 vitesh në këtë banesë nuk banon askush. Në vendngjarje kanë mbërritur shërbimet e Policisë dhe grupi hetimor, të cilët kanë nisur veprimet për zbardhjen e plotë të ngjarjes.
