Qeveria shqiptare ishin e vetmja që nuk reagoi për trajtimin që iu bë aktivistëve të flotiljes globale Sumud, mes të cilëve ishte edhe aktivisti shqiptar Baki Goxhaj. Ndryshe ndodhi me vendet e tjera europiane, si Greqia, Italia, Franca, Spanja etj, që bënë minimumin e mundshëm duke thirrur ambasadorët izraelitë në vendet përkatëse, për t'i shprehur shqetësimin në lidhje me trajtimin poshtërues që iu bënë shtetasve të tyre.
Videoja që turpëroi Izraelin/ Pse qeveria shqiptare nuk flet për Baki Goxhajn?
Ndërkohë në Tiranë nuk ka reaguar as opozita, ndërsa forca e vetme politike që ka reaguar është Lëvizja Bashkë që kërkoi rikthimin sa më parë në shtëpi të aktivistit shqiptar. Duke iu referuar heshtjes së ministrisë tonë të jashtme, Arlind Qori u shpreh se nëse "rrëmbehet gjysma e shqiptarëve dhe s'ka për ta vënë asnjë sekondë ujin në zjarr".
"Uroj që trysnia e qeverive evropiane të sjellë lirimin sa më të shpejtë të aktivistit Baki Goxhaj dhe të gjithë aktivistëve të tjerë të cilët, përveçse janë rrëmbyer në ujëra ndërkombëtare nga ushtria izraelite, janë poshtëruar publikisht nga ministri fashist Itamar Ben-Gvir. Të jetë për Edi Ramën, mund të rrëmbehet gjysma e shqiptarëve dhe s'ka për ta vënë asnjë sekondë ujin në zjarr" shkruan Qori në rrjetet sociale.
