Në aksin e rrugës kombëtare Elbasan–Cërrik është regjistruar rreth orës 10:00 të paradites së sotme një aksident rrugor në vendin e njohur si “Ura e Zezë”. Sipas të dhënave paraprake, në përplasje janë përfshirë dy automjete të cilat kanë pësuar dëmtime të shumta materiale si pasojë e forcës së goditjes.
Nga aksidenti kanë mbetur të plagosur të paktën tre persona, të cilët janë transportuar drejt spitalit për të marrë ndihmën mjekësore. Në vendngjarje kanë mbërritur menjëherë shërbimet e policisë dhe grupi hetimor, të cilët po punojnë për zbardhjen e plotë të shkaqeve dhe rrethanave të aksidentit.
Për shkak të ngjarjes, në këtë segment rrugor është krijuar për disa minuta edhe trafik i rënduar.
