Një pasagjer britanik është transportuar me urgjencë drejt spitalit në Durrës pasi shfaqi probleme të rënda shëndetësore në bordin e kroçierës “Marbella Explorer II”, që po lundronte nga Korfuzi drejt Kotorrit. Sipas autoriteteve portuale, rreth orës 23:50, Kapiteneria e Portit të Durrësit mori një sinjal emergjence nga kroçiera, e cila ndodhej afro 20 milje larg bregdetit të Durrësit. Në bord ndodhej një shtetas anglez me inicialet C.P., i cili kishte nevojë për ndërhyrje të menjëhershme mjekësore.
Pas nxjerrjes nga kroçiera, pasagjeri britanik u transportua me ambulancë drejt Spitalit Rajonal të Durrësit. Burime nga operacioni bëjnë me dije se ai ndodhet nën kujdesin e mjekëve dhe jashtë rrezikut për jetën.
