Një automjet tip “Benz” ka goditur nga pas një motoçikletë në të cilin udhëtonte një turist 35-vjeçar në drejtim të Beratit.
Nga përplasja e fortë, shtetasi i huaj drejtuesi motoçikletës, ka marrë dëmtime të shumta dhe ka përfunduar me urgjencë në spitalin e Lushnjës, ku e ka transportuar ambulanca dhe është nën kujdesin e mjekëve jashtë rrezikut për jetën.
Policia e qarkullimit ka shkuar në vendngjarje për nisjen e veprimeve për zbardhjen e shkaqeve të këtij aksidenti, ku sipas të dhënave të para, drejtuesi i motoçikletës ka humbur kontrollin dhe është goditur nga pas nga automjetit tip ‘Benz’.
Gjithsesi do të jetë ekspertiza shkencore që do të përcaktojë shkaqet e aksidentit ku mbeti i plagosur turisti 35-vjeçar.
Aksi rrugor Lushnjë-Berat për shkak të trafikut të rënduar dhe karrexhatës me vetëm një kah lëvizjeje bën të shkaktohen aksidente të shumta deri edhe me fatalitet.
