Saranda nuk gjen qetësi. Pas takimit të sotëm në qytet të ministrit të Brendshëm, Besfort Lamallari dhe kreut të Policisë së Shtetit, Skënder Hita, Agjencia e Mbikëqyrjes Policore ka ndërmarrë një tjetër operacion në mbrëmjen e sotme, në kuadër të një hetimi të zhvilluar në bashkëpunim me Prokurorinë e Sarandës.
Mësohet se deri tani është ekzekutuar një urdhër ndalimi ndaj një oficeri të seksionit të krimeve të rënda në Komisariatin e Sarandës, i dyshuar për veprën penale të “shpërdorimit të detyrës”.
Emri i tij nuk është bërë ende publik, ndërsa operacioni vijon. Në orët në vijim pritet të ketë një komunikim nga Agjencia e Mbikëqyrjes Policore.
