Kreu i PD-së Sali Berisha në foltoren e pasdites së sotme ka hedhur akuza ndaj kryeministrit Edi Rama duke thënë se përmes lobimit kombëtar dhe ndërkombëtar arriti të paraqesë veten si yllin e integrimit.
Berisha theksoi se opozita e mbështet integrimin e Shqipërisë në BE dhe dëshiron që ajo të mbetet përgjithmonë pjesë e Europës dhe perëndimit.
“Këto kohë ka patur debat të fortë, të ashpër për procesin më themelor atë të integrimit. Edhe këtu arritjet tona janë të mëdha. Lobimi korruptiv kombëtar dhe ndërkombëtar bëri që të paraqesë Edi Ramën dhe Shqipërinë si yllin e integrimit.
Ju kujtohet jemi së bashku prej tre vitesh kemi deklaruar para shqiptarëve dhe botës se Shqipëria ka një pozicion gjeopolitk të rëndësishëm në rajon dhe se përveç kriterit gjeopolitik me regjimin e Ramës nuk plotëson asnjë kriter tjetër dhe asnjë standard tjetër për integrimin e saj në BE, ne e mbështesim integrimin.
Ne nuk duam kurrë që ky vend të përfundojë në hapësira tjera, me duam që ky vend të mbetet përjetësisht në hapësirën perëndimore, në hapësirën europiane.
Ne mbështesim integrimin e Shqipërisë”, tha Berisha.
