Policia e Korçës u alarmua këtë të diel pas telefonatës së një 54-vjeçari që kishte pikasur diçka të dyshimtë poshtë makinës së tij. Gëzim Pasho, me detyrë inspektor në Sektorin e Inspektimit të Pyjeve në Korçë dyshoi për vendosje të një lënde plasëse.
Automjeti tip “Audi A6” ndodhej i parkuar në Lagjen 18, zonë që u rrethua menjëherë nga forcat e policisë. Në vendngjarje mbërritën edhe forcat xheniere, të cilat kryen verifikimet e nevojshme.
Ato zbuluan se në makinë ishte vendosur një pajisje GPS dhe jo lëndë plasëse. Nuk dihet kush e ka vendosur GPS dhe arsyet e këtij motivi. Pasho është duke u marrë në pyetje nga policia ndërsa po zbardhen kamerat e sigurisë në zonë me qëllim identifikimin e autorit. /LAPSI.al
