Sekretari i Përgjithshëm i OKB-së, Antonio Guterres, mirëpriti njoftimin për një zgjatje 45-ditore të ndërprerjes së armiqësive midis Libanit dhe Izraelit. Guterres rikonfirmoi mbështetjen e organizatës botërore për të gjitha përpjekjet për t'i dhënë fund armiqësive dhe për të lehtësuar vuajtjet e komuniteteve në të dyja anët e Vijës Blu.
“Sekretari i Përgjithshëm i bën thirrje të gjithë aktorëve që të respektojnë plotësisht ndërprerjen e armiqësive, të ndërpresin çdo sulm të mëtejshëm dhe të përmbushin detyrimet e tyre sipas ligjit ndërkombëtar, përfshirë ligjin ndërkombëtar humanitar, në çdo kohë”, njofton zyra e shtypit.
Në njoftim shkruhej se, Kombet e Bashkuara do të mbështesin të gjitha përpjekjet diplomatike për të çuar përpara zbatimin e plotë të Rezolutës 1701 të Këshillit të Sigurimit, e cila synon të zgjidhë Luftën e Libanit të vitit 2006 midis Hezbollahut dhe Izraelit.
