Presidenti i Shteteve të Bashkuara, Donald Trump deklaroi se është "dakord" me një pezullim 20-vjeçar të programit bërthamor të Iranit, me kusht që Teherani të ofrojë një angazhim të vërtetë në këtë drejtim.
Deklarata u bë pas largimit nga Pekini, ndërsa Trump u fliste gazetarëve në bordin e Air Force One.
"Njëzet vjet janë të mjaftueshme, por niveli i garancisë së ofruar prej tyre duhet të jetë vërtet një angazhim i vërtetë për ato 20 vjet",- tha presidenti.
Presidenti i SHBA-së ka theksuar vazhdimisht parandalimin e Iranit nga pajisja me armë bërthamore dhe më parë i ka etiketuar propozimet e Iranit gjatë negociatave si të pamjaftueshme dhe të papranueshme./
