Policia ka vënë në pranga Marcel Liçaj, i njohur edhe me emrin Marcel Grembi, i cili ishte shpallur në kërkim me urdhër të GJKKO-së. Ai dyshohet si pjesë e një grupi të strukturuar kriminal që vepronte në trafikun e lëndëve narkotike drejt vendeve të Bashkimit Europian. Për të, Gjykata e Posaçme ka caktuar masën “arrest me burg”.
“Sektori për Hetimin e Grupeve Kriminale, në Drejtorinë për Hetimin e Krimit të Organizuar në DPPSH, në bashkëpunim me Drejtorinë e Forcës së Posaçme Operacionale, ka kapur dhe ndaluar shtetasin në kërkim Marcel Liçaj alias Marcel Grembi, të cilit GJKKO-ja i ka caktuar masën e sigurisë “Arrest në burg”, pasi dyshohet si pjesëtar i një grupi të strukturuar kriminal me veprimtari në fushën e narkotikëve, në vendet e BE-së”, informon policia.
