Një ndeshje ku agonizmi i tifozëve duket edhe më i ashpër se ai i lojtarëve në fushë. Pikërisht kështu, sepse në kërkim të vendit të parë verdheblutë e Elbasanit nuk duken aq agresivë përballë këmbënguljes për të shpëtuar të bardhebluve të Tiranës. E kundërta e asaj që hapi sfidën, me sherrin e turpshëm të dy tifozerive në stadiumin “Elbasan Arena”.
Tifozët e Elbasanit dhe Tiranës janë përplasur fizikisht bashkë me grushte dhe flakadanë. Sapo tifozët e dy ekipeve janë futur në stadium, ka shpërthyer dhuna. Tifozët e Elbasanit janë nisur me shpejtësi drejt tribunës ku ndodheshin ata të Tiranës, duke i sulmuar me mjete të ndryshme. Tifozët verdheblu u afruan deri në sektorin e mbështetësve të Tiranës, që kanë reaguar duke përshkallëzuar situatën dhe asnjë prej stjuartëve nuk ka patur “mundësinë” të ndërhyjë, për shkak të rrëmujës. Më pas ishte e nevojshme ndërhyrja e policies, për të kthyer qetësinë dhe nisur ndeshjen.
Lexo më tej: “Partizani t'q*va robt”, lojtarët e Tiranës në ekstazë: koret fyese sjellin dënime
Tirana pas një faze të pashembullt me 6 fitore e 2 barazime synon të shmangë edhe “play out” me një fitore të fundit kundër kryesuesve të kampionatit. Skuadra e Orges Shehit aktualisht ndodhet jashtë zonës së ftohtë, ndërsa Elbasani mund ta mbyllë si vend i parë pas 36 javësh, por i duhet të fitojë ndeshjen e fundit të sezonit të rregullt.
[video width="848" height="478" mp4="https://cdnimpuls.com/lapsi.al/wp-content/uploads/2026/05/AQOIML8owFA135edRV_baYQrJxfqNs4qVxEhqYQHxxINOr5o81vurUYZCO3PrBupyK6_rTA0EB9YjH9hKLJ0FA5_G7JMNnY6ZXIkhJQGsDz4Wg.mp4"][/video]
