Policia ka nisur me ndalimin e protestuesve. Konfirmohet se 3 prej tyre janë shoqëruar në komisariat. Policia nuk ka kursyer as mediat, pasi i ka sulmuar me ujë dhe gaz lotsjellës. Si pasojë e kësaj situate është lënduar një gazetare e Syri TV, e cila ka marrë ndihmën e specializuar mjekësore në një ambulancë që ndodhej aty pranë. Edhe kamerat dhe gazetarët kanë qenë në fokusin ujit me presion.
Protesta kombëtare e opozitës u shoqërua me tensione dhe përplasje të vazhdueshme mes protestuesve dhe policisë. Shkak u bënë forcat e rendit që penguan marshimin e opozitës në bulevard duke hedhur ndaj tyre ujë dhe gaz lotsjellës. Protestuesit u përgjigjën me molotovë dhe fishekzjarre.
Policia njoftoi se “si pasojë e hedhjes në drejtim të punonjësve të Policisë të bombave molotov, lëndëve piroteknike dhe sendeve të forta nga disa protestues, u lënduan 3 punonjës policie të Forcës Kombëtare të Sigurisë, të cilët u dërguan për mjekim në Spitalin Ushtarak, jashtë rrezikut për jetën”. ©LAPSI.al
