Barack Obama ka folur sërish për çështjen e ekzistencës së alienëve dhe UFO-ve gjatë një interviste që i dha Stephen Colbert, prezantuesit të emisionit të njohur "The Late Show". Ai këmbëngul që alienët ekzistojnë dhe dëshiron të kontaktojë me ta. Megjithatë ish-Presidenti theksoi se qeveria amerikane nuk po mban ndonjë gjë të fshehtë pasi nuk pasur ende asnjë kontakt me jashtëtokësorët.
Pas deklaratave të tij në lidhje me ekzistencën e alienëve, Obama shpjegoi se është e pamundur që qeveria të mbajë sekret informacionin, edhe nëse do të kishte foto ose prova të mjeteve aliene.
“Qeveria është e tmerrshme në mbajtjen e sekreteve", - tha ai. Më pas shtoi me një dozë humori: "Nëse do të kishte alienë ose anije kozmike nën kontrollin e qeverisë amerikane, me siguri dikush do të kishte bërë një selfie me një alien dhe do t'ia kishte dërguar të dashurës së tij për ta impresionuar".
Edhe pse ish-presidenti këmbëngul se nuk ka takuar alienë, ai pranon se ende shpreson që alienët ekzistojnë dhe shpreh dëshirën e tij për të komunikuar me ta. "Po kandidoj për kontaktin e parë", - tha ai, duke shtuar se përvoja e tij diplomatike dhe personaliteti miqësor e bëjnë atë një ambasador ideal për Tokën.
"Jam miqësor dhe mund të sjell përvojën time diplomatike... Mendoj se do të bëja mirë", tha Obama. Ai përsëriti edhe një herë se, megjithëse universi është i paanë, qeveria amerikane nuk ka prova të komunikimit me alienët. ©Përgatiti LAPSI.al
