Rebel Wilson është bërë nënë për herë të dytë, duke zgjeruar familjen e saj me partneren Ramona Agruma.
Aktorja e “Pitch Perfect” dhe “Bridesmaids” ndau lajmin e gëzueshëm në Instagram, ku prezantoi vajzën e tyre të dytë, të quajtur Rose Estelle.
“Krenare të njoftojmë lindjen e vajzës sonë të dytë, Rose Estelle! Çfarë bekimi i mrekullueshëm të kemi një tjetër vajzë të vogël. Tani, më 4 maj, jemi bërë katër,” shkroi aktorja. Ajo shtoi se ndihet jashtëzakonisht mirënjohëse dhe e lumtur për zgjerimin e familjes.
[embed]https://www.instagram.com/p/DX7caU6gWYF/[/embed]
Në rrjetet sociale, Wilson publikoi edhe momente të ëmbla të vajzës së tyre të parë, Royce, 3 vjeç, duke u njohur me motrën e vogël. Çifti e mirëpriti vajzën e parë, Royce Lillian, në nëntor të vitit 2022 përmes një nëne surrogate. Ndërsa vajza e dytë erdhi në jetë pas një rrugëtimi të gjatë me fekondim in vitro (IVF).
Rebel Wilson dhe Ramona Agruma e bënë publike lidhjen e tyre në vitin 2022 dhe u martuan në vitin 2024, fillimisht me një ceremoni romantike në Itali dhe më pas me një martesë ligjore në Australi.
