Gjatë fjalës me anëtarët dhe simpatizantët e PD në degën numër 5 në Tiranë, Sali Berisha sulmoi Edi Ramën për arrestimin e Ilir Metës.
Sipas tij, Rama e urren Metën, por më shumë urren qytetarët. Duke akuzuar Ramën, Berisha u shpreh se, kreu i qeverisë riktheu kafazin në sallën e gjyqit, si njëherë e një kohë ne gjyqet e Enver Hoxhës.
‘E riktheu Edi Rama kafazin në sallën e gjyqit, ndërkohë që vrasës serialë po në atë burg festojnë çdo natë me pije, kokainë dhe orgji të tjera.
Po pse kafazi? Sigurisht, ai e urren Ilir Metën, por ai urren qytetarët në radhë të parë. Ai do që qytetarët të tremben sa më shumë.
Kurse ju nuk trembeni. Ju nuk jeni trembur’, tha Berisha.
