Arsenal dhe Atletico Madrid përballen sërish pas një jave në gjysmëfinalen e kthimit të Champions League. Në Emirates Stadium të Londrës nuk lejohen gabimet, pas ndeshjes së parë të ekuilibruar që përfundoi 1-1. Shumë e lartë është ajo që është në lojë për skuadrën e teknikut Arteta, I avantazhuar në luftë të plotë për Premier League me Manchester City-n, dhe për atë të Simeone-s që tashmë ka vetëm Europën për të mos e mbyllur sezonin pa gëzime.
Gjithçka në një natë, pra, me sigurinë se më pas do të përballen në finale me njërën mes Bayern Munich dhe Paris Saint Germain më 30 maj në Puskas Arena të Budapestit. Ajo që është e sigurt është se ndoshta Arsenal-Atletico nuk do të dhurojë spektaklin e gjysmëfinales tjetër, për sa i përket golave dhe rasteve, por për intensitet dhe luftë mund të pritet gjithçka. Të dy skuadrave u mjafton një fitore me çfarëdo rezultati për t’u kualifikuar, ndërsa në rast barazimi do të shkohet në kohë shtesë dhe më pas te penalltitë.
Rikthime e dilema
Arsenal duhet të mbështetet te 4-3-3 i zakonshëm me Gyokeres në majë të sulmit, i mbështetur nga Saka dhe Martinelli. Një dyshim për spanjollin Arteta lidhet me krahun, ku Hincapie është favorit ndaj italianit Calafiori për një vend titullari. Simeone mund të mbështetet te një skuadër pothuajse e plotë, me Alvarez që duket se është rikthyer në formë të plotë. Argjentinasi dhe Griezmann do të jenë dyshja e sulmit, me Lookman dhe Simeone junior në krahë.
Formacionet e mundshme:
ARSENAL (4-3-3): Raya; White, Saliba, Gabriel, Hincapie; Eze, Zubimendi, Rice; Saka, Gyokeres, Martinelli. All. Arteta
ATLETICO MADRID (4-4-2): Oblak; Llorente, Pubill, Hancko, Ruggeri; Simeone, Koke, Cardoso, Lookman; Griezmann, Alvarez. All. Simeone
