Një aksident i rëndë rrugor është regjistruar pasditen e sotme në Shkodër. Ngjarja ndodhi rreth orës 16:25 në aksin “Shkodër–Koplik”, në zonën e fshatit Grizhë. Një automjet me drejtues shtetasin A. M. është përplasur me një tjetër mjet që drejtohej nga shtetasi V. X., dhe më pas me një automjet të tretë me drejtues shtetasin E. Gj.
Për pasojë, ka humbur jetën në Spitalin Rajonal të Shkodrës shtetasi Z. M., i cili udhëtonte si pasagjer në automjetin e parë. Ndërkohë, dy drejtuesit e mjeteve dhe një pasagjere, Gj. M., kanë pësuar lëndime të lehta dhe ndodhen jashtë rrezikut për jetën. Grupi hetimor, nën drejtimin e Prokurorisë, po punon për zbardhjen e plotë të rrethanave të aksidentit.
