Një incident i rëndë ndodhi në Aeroportin e Araxos pranë Patrës në Greqi gjatë uljes së parë të një avioni TUI Boeing 737-8. Shkak u bë shembja e shkalle mbi të cilën ndodheshin gazetarët dhe fotoreporterët që ishin ngjitur për të mbuluar ngjarjen.
Sipas mediave greke, 3 persona u plagosën nga rënia në tokë. Ata janë një gazetar nga Athina, një kameraman dhe një fotoreporter nga Patra, të cilët pësuan lëndime në gjymtyrë dhe u transportuan me ambulancë në spital.
Përfaqësues të tjerë të medias që ishin të pranishëm pësuan lëndime të lehta dhe nuk u konsiderua e nevojshme transportimi i tyre në spital.
Sipas të njëjtave burime, incidenti dyshohet se filloi kur zyrtarët e kompanisë u sugjeruan gazetarëve dhe fotoreporterëve të ngjiteshin në një shkallë për të siguruar pamje më të mira. Sipas të njëjtit informacion, afërsisht 10 deri në 15 persona ishin mbledhur në shkallë, gjë që çoi në shembjen e saj.
I njëjti raport vëren se shkalla nuk duket se ka qenë e përshtatshme për një ngarkesë të tillë duke ngritur pikëpyetje në lidhje me organizimin e aktivitetit. ©LAPSI.al
