Policia e Tiranës ka finalizuar operacionin e koduar “Procesi”, me qëllim parandalimin e kultivimit të bimëve narkotike. Sipas policisë, gjatë operacionit të zhvilluar nga Komisariati Nr. 2, në Rruga e Dafinave, shërbimet e policisë kanë ndaluar një automjet që drejtohej nga Renis Aliaj, 31 vjeç.
Gjatë kontrollit në mjet, policia ka gjetur një qese me rreth 1000 fara të dyshuara narkotike të llojit Cannabis Sativa. Në përfundim të veprimeve procedurale, 31-vjeçari është arrestuar në flagrancë, ndërsa janë sekuestruar farat narkotike dhe automjeti tip “Benz” që ai drejtonte.
