Elisa Spiropali po kërkon medoemos një përplasje me Edi Ramën. Pas sfidës publike që i bëri për ta përjashtuar, deputetja e Partisë Socialiste ka dalë në një takim me Damian Gjiknurin, një tjetër figurë e lënë mënjanë nga udhëheqja socialiste, për shkak se është zëvëndësuar në postin e ministrit nga Belinda Balluku.
Foto është publikuar nga portali Publik.al dhe të dy, si Spiropali, ashtu edhe Gjiknuri duken teksa bisedojnë në një lokal pa e pasur mendjen tek njeriu që i ka fotografuar.
Elisa Spiropali sfidon flakë për flakë Edi Ramën: Më përjashto!
Mbetet për t'u parë se si do të reagojë Rama ndaj këtij takimi mes dy njerëzve që i kanë shërbyer me besnikëri dhe që u zëvëndësuan në detyra për hir të Belinda Ballukut. Elisa Spiropali u shkarkua nga posti i Ministres së Jashtme, ndërsa Damian Gjiknuri nga posti i Ministrit të Energjisë dhe Infrastrukturës.
A mund të jetë kjo bërthama e një lëvizjeje të re kundër Ramës në Partinë Socialiste apo do të mbetet thjesht klubi i hakmarrjes së vogël ndaj Belinda Ballukut? Kjo mbetet për t'u parë, por surpriza në këtë mes është Elisa Spiropali, që ka dalë nga frëngjia e rrjeteve sociale dhe po kërkon aleatë për të mos qenë vetëm në mbledhjen e ardhshme të grupit parlamentar.
Ekskluzive/ E shantazhuan me tatimet. Pse shpërtheu Elisa Spiropali?
