Në një përballje me peshë për fundin e sezonit në Abissnet Superiore, Bylis arriti një fitore të artë përballë Teutës, duke mbajtur të hapura shpresat për mbijetesë.
Takimi i zhvilluar në stadiumin “Adush Muçaj” nisi vrullshëm për vendasit, të cilët gjetën avantazhin që në minutën e 3-të. Mbrojtësi Emini përfitoi nga një situatë e rrëmujshme në zonë dhe dërgoi topin në rrjetë, duke surprizuar portierin Selmani.
Teuta reagoi menjëherë dhe kërkoi me ngulm barazimin, duke krijuar disa raste të pastra shënimi. Zogos dhe Kotobelli iu afruan golit, por në portë ishte një Ozols në formë të shkëlqyer, që ndali çdo tentativë të rrezikshme.
Durrsakët menduan se kishin barazuar me anë të Zogos, por festa e tyre u ndërpre pas ndërhyrjes së VAR-it. Gjyqtari Enea Jorgji vendosi të anulonte golin, duke lënë në fuqi avantazhin minimal të vendasve.
Në fundin e takimit, Bylis vulosi fitoren me një kundërsulm të shpejtë. Camara u gjend i vetëm përballë Selmanit dhe nuk gaboi, duke dërguar topin në rrjetë për rezultatin përfundimtar 2-0.
Falë këtij suksesi, Bylis ngjitet në vendin e 8-të me 35 pikë, duke kaluar Vorën në renditje. Nga ana tjetër, Teuta mbetet në vendin e 6-të me 38 pikë, duke humbur një mundësi për t’u afruar më shumë me zonën e sipërme të tabelës.
[video width="668" height="360" mp4="https://cdnimpuls.com/lapsi.al/wp-content/uploads/2026/04/69ee1c3b0de35.mp4"][/video]
[video width="644" height="360" mp4="https://cdnimpuls.com/lapsi.al/wp-content/uploads/2026/04/69ee3690a2f72.mp4"][/video]
