Ministri i Jashtëm i Iranit, Abbas Araghchi, është larguar nga Pakistani përpara mbërritjes së delegacionit amerikan, raportojnë mediat iraniane. Lëvizja vjen pasi Teherani konfirmoi se nuk do të ketë bisedime të drejtpërdrejta me SHBA-në në Islamabad. Gjatë vizitës në Pakistan, Araghchi ja përcolli qëndrimet negociuese të Teheranit zyrtarëve vendas dhe shprehu rezerva mbi kërkesat amerikane, duke paralajmëruar se Teherani nuk do të pranonte “kërkesa maksimaliste”.
Zëdhënësi i diplomacisë iraniane, Esmail Baghaei, kishte paralajmëruar më herët këtë zhvillim, duke përjashtuar kontaktet direkte mes palëve. Ndërkohë delegacioni amerikan pritet të mbërrijë në mbrëmje.
Burimet bëjnë me dije se Irani refuzon negociatat për sa kohë vijon bllokada në Ngushtica e Hormuzit. Në të njëjtën kohë, ndërmjetësit pakistanezë shprehen skeptikë për mundësinë e një marrëveshjeje në këtë fazë.
