Bisedat te parukieri të bëra nga Marc Cucurella kanë shkaktuar shumë probleme për Chelsea, që mendonte se e kishte zgjidhur çështjen e “spiunit” në dhomat e zhveshjes, por ka parë sërish të qarkullojnë në rrjetet sociale informacione të rezervuara për skuadrën që do të përballej me Brighton. Formacioni u zbulua përpara ndeshjes që shënoi humbjen e pestë radhazi për Rosenior, që e pësoi nga një krizë e paprecedentë në histori duke marrë shkarkimin.
Sipas DailyMail, ka qenë parukieri i lojtarit spanjoll ai që ka zbuluar informacione konfidenciale mbi mungesat dhe zgjedhjet e formacionit. Tabloidi ka publikuar postimet e një llogarie në X, që mendohet se i përket personit që kujdeset për flokët e mbrojtësit Cucurella: në një foto shihet pjesa e pasme e kokës së lojtarit gjatë prerjes së flokëve dhe imazhi shoqërohet me informacione mbi lojtarët e dëmtuar, që ende nuk ishin bërë publike.
Parukieri i Cucurella zbulon formacionin e Chelsea
Ashtu si shumë lojtarë të tjerë, Cucurella i është besuar një parukieri të njohur për t’u kujdesur për flokët e tij të dendur. Njeriu në X njihet me emrin “Rileyeagles” dhe tani është në qendër të një çështjeje delikate që hap një tjetër problem për Chelsea. Anglezet kishin qenë tashmë përballë një “spiuni” që kishte zbuluar formacionin para ndeshjes së Champions League kundër Chelsea, një problem që u zgjidh brenda pak ditësh pa u bërë publik emri, por çështja është rikthyer kur kanë dalë disa informacione përpara ndeshjes kundër Brighton.
Llogaria e parukierit kishte publikuar një postim duke etiketuar disa influencerë që merren me lajmet e futbollit anglez: “Palmer dhe Joao Pedro janë të dy të dëmtuar për ndeshjen e sotme. Ja informacioni juaj ekskluziv”. Zbulimi i informacionit ndodhi rreth drekës, më pas profili i “spiuni” u fshi, por shumë persona kishin ruajtur pamjet e postimeve që e implikojnë parukierin.
