Burnley ka rënë zyrtarisht nga Premier League në Championship pas një sezoni të vështirë 2025–26, shpesh me humbje, përfshirë edhe atë ndaj Manchester City. Sulmuesi shqiptar Armando Broja ishte pjesë e skuadrës këtë sezon, por pavarësisht firmës deri në vitin 2030 mund të ndryshojë ambjent për shkak të klauzolës në kontratë.
Burnley e mbylli sezonin në fund të renditjes së Premier League në sezonin 2025-26 pasi dështoi të siguronte mjaftueshëm pikë, duke kaluar pjesën më të madhe në fundin e renditjes, me konfirmimin zyrtar në fund të prillit 2026. Broja ishte pjesë e skuadrës për sezonin 2025-26, por pati probleme me dëmtimet dhe formën gjatë gjithë vitit dhe kontributi i shkodranit ka qenë pothuaj inekzistent për Burnley.
Kontrata dhe klauzola
Broja u transferua nga Chelsea për rreth 25 milionë paund, ndërsa më parë kishte qenë i huazuar te Everton. Raportohet se kontrata 5-vjeçare e firmosur nga Broja te Burnley përfshin një klauzolë në rast rënieje nga kategoria. 24 vjeçari ka tashmë mundësinë të luajë sërish në kampionatet elitare, në rast se për të mbërrin oferta dhe kontrata edhe për 4 vjet në Lancashire nuk mund ta pengojë. Sigurisht që nëse e sheh të arsyeshme, Broja mund të qendrojë me Burnley edhe në Championship, pavarësisht se skuadra e drejtuar nga Scott Parker nuk arriti të mbijetonte përtej pritshmërive të larta.
