Edi Rama u përpoq sërish të binte në sy” duke u gjunjëzuar përsëri para Kryeministres së Italisë, Giorgia Meloni.
Para takimit në “Palazzo Chigi” kur po zhvillohej ceremonia zyrtare, Rama përshëndeti politikanen italiane duke u gjunjëzuar dhe më pas vijoi ecjen duke e përshëndetur përzemërsisht.
Gjesti ka tërhequr vëmendjen edhe të mediave greke. “Protothema” shkruan se është karakteristike, që siç shihet edhe pamje, Rama ka veshur një xhaketë që ndoshta është pak si shumë e madhe për të. Përveç përqafimit të ngrohtë që kanë të dy, karakteristikë është edhe diferenca në gjatësi që i ndan.
Në maj të vitit 2025, Edi Rama e kishte pritur Giorgia Melonin në gjunjë në Samitin në Tiranë. Meloni po ecte në tapetin e kuq kur kryeministri shqiptar hoqi çadrën dhe u gjunjëzua para saj.
Duke iu drejtuar gazetarëve, kryeministrja italiane, me një dozë humori, tha: "Ai e bën vetëm për të qenë në nivelin tim".
Ndërsa më 15 janar 2025, Rama i dhuroi homologes së tij italiane një shall për ditëlindje, duke u gjunjëzuar për ta dorëzuar dhe duke kënduar “tanti auguri” (gëzuar ditëlindjen) kur të dy udhëheqësit merrnin pjesë në Samitin Botëror të Energjisë për të Ardhmen në Abu Dhabi.
Shalli ishte vepër e një stilisti italian që ishte zhvendosur në Shqipëri, i shpjegoi Rama Melonit. ©LAPSI.al
