Këtë të mërkurë do të mbahet gjyqi për ish-presidentin Ilir Meta, i cili ndodhet në burg. Meta kërkon shfuqizim të masës ‘arrest në burg’. Sakaq mësohet se seanca do të nisë në orën 11:00 dhe do të mbahet mbi dokumente shkresore.
Ish-presidenti dhe kreu i Partisë së Lirisë, mbahet në burg që nga 21 tetori 2024, nën akuzat për korrupsion, pastrim parash dhe mosdeklarim pasurie. Gjykata e Lartë dhe ajo e Apelit kanë lënë në fuqi masën "arrest me burg", ndërsa Meta i ka kundërshtuar vendimet duke i quajtur politike dhe antikushtetuese.
