Autoritetet italiane kanë dëbuar një 40-vjeçar shqiptar, për shkak të së shkuarës së tij kriminale. Ai ishte dënuar me një dënim prej 7 vitesh e 9 muajsh burg për kryerjen e disa krimeve të cilat përshijnë vjedhjen dhe trafikun e lëndëve narkotike.
Ditët e fundit, ai u mor nga policia nga Selia Qendrore e Policisë së Ankonës nga burgu “Barcaglione” në Ankona, ku mbahej, dhe më pas u dërgua në pikën kufitare ajrore Falconara Marittima. 40-vjeçarit shqiptar i është ndaluar rihyrja në Itali për pesë vjet.
“Largimi fizik i shtetasve të huaj që janë banorë të paligjshëm dhe përbëjnë kërcënim për rendin dhe sigurinë publike nga territori ynë i pengon ata të qëndrojnë ilegalisht dhe të kryejnë krime të ndryshme.
Policia e Shtetit mbetet shumë vigjilente në luftën kundër imigracionit të paligjshëm, veçanërisht atyre që janë të rrezikshëm, që banojnë ilegalisht në territorin tonë dhe janë të aftë të prishin seriozisht rendin dhe sigurinë publike” tha shefi i Policisë së Ankonës.
